സംസ്ഥാന കുടുംബശ്രീ മിഷന് കീഴിൽ ജോലി നേടാൻ സുവർണാവസരം. കുടുംബശ്രീ മിഷനിൽ DDUGKY പദ്ധതിയിലാണ് ഒഴിവുള്ളത്. അക്കൗണ്ടന്റ് ഒഴിവിലേക്കാണ് നിയമനം നടത്തുന്നത്. ആകെ ഒരു ഒഴിവാണ് റിപ്പോർട്ട് ചെയ്തിട്ടുള്ളത്. കരാർ അടിസ്ഥാനത്തിൽ താൽക്കാലിക നിയമനമാണ് നടത്തുന്നത്. യോഗ്യതയുള്ള ഉദ്യോഗാർത്ഥികൾക്ക് സി എം ഡി യുടെ ഔദ്യോഗിക വെബ്സൈറ്റ് വഴി ഓൺലൈനായി അപേക്ഷിക്കാം. ഒക്ടോബർ 5 വരെ അപേക്ഷിക്കാൻ അവസരമുണ്ട്.
പ്രായപരിധി
40 വയസ്സ് വരെ പ്രായമുള്ളവർക്ക് അപേക്ഷിക്കാം. ഉദ്യോഗാർത്ഥികളുടെ പ്രായം 31.8.2025 അടിസ്ഥാനമാക്കിയായിരിക്കും കണക്കാക്കുക.
യോഗ്യത
ബികോം, ഡിസിഎ, ടാലി തുടങ്ങിയ യോഗ്യതകൾ ഉണ്ടായിരിക്കണം.
സർക്കാർ, അർദ്ധ സർക്കാർ, സർക്കാർ അംഗീകൃത സ്വയം ഭരണ സ്ഥാപനങ്ങൾ, മറ്റു സർക്കാർ അംഗീകൃത സ്ഥാപനങ്ങൾ / പ്രോജക്ടുകൾ, കുടുംബശ്രീ തുടങ്ങിയവയിൽ ഏതിലെങ്കിലും മൂന്ന് വർഷം അക്കൗണ്ടന്റായി പരിചയം വേണം.
ശമ്പളം
തിരഞ്ഞെടുക്കപ്പെടുന്നവർക്ക് പ്രതിമാസം ശമ്പളമായി 35,000 രൂപ ലഭിക്കും.
തിരഞ്ഞെടുപ്പ് രീതി
വന്നിട്ടുള്ള അപേക്ഷകൾ പരിശോധിച്ച ശേഷം സ്ക്രീനിങ് നടത്തിയാണ് തിരഞ്ഞെടുപ്പ്. പ്രവർത്തിപരിചയ സർട്ടിഫിക്കറ്റ് അപേക്ഷയോടൊപ്പം നൽകേണ്ടതുണ്ട്.
അപേക്ഷ
അപേക്ഷകൾ കുടുംബശ്രീ എല്ലാ മിഷനിലും അല്ലെങ്കിൽ സംസ്ഥാന മിഷനുകളിലോ സ്വീകരിക്കുന്നതല്ല. ഓൺലൈൻ അല്ലാതെ ലഭിക്കുന്ന അപേക്ഷകളും, യഥാസമയം ലഭിക്കാത്ത അപേക്ഷകളും, നിശ്ചിത യോഗ്യതകൾ ഇല്ലാത്തതുമായ അപേക്ഷകളും സ്വീകരിക്കുന്നതല്ല. വിശദവിവരങ്ങൾ അറിയുന്നതിനായി താഴെയുള്ള നോട്ടിഫിക്കേഷൻ ലിങ്ക് സന്ദർശിക്കുക.
